Song Search

Enne Denne Dubbe Denne

by Wolle Kriwanek

on Schwabenrock 100% reine Wolle (1984)

Dr Zufall herrscht em Läba vor ond sorgt für manchn Schlag
ond was du deine Dag et denkschd, passiert do Dag fir Dag
irgendwer zellt emmer aus, hilflos guckscht du zu
Oiner muss halt übrig sei, am Ende bischt des du

Em Krankenhaus goht's ganze los auf der Geburtsstation
zwoi Seigleng hot der Zettel gfehlt es war jeweils an Sohn
Die Schwester fackelt gar net lang egal ob Ralf ob Hans
Kratzt sich schnell mol hinterm Ohr und zählt mit eleganz

Enne denne duppa denne duppa denne dalia ebbe bebbe bembio bio bio buff

Den kleine Ralf, der Hänsle hoißt, den schult mer jetzt scho ei
Der Lehrer moint vom kleine Hans, der könnt ruhig besser sei
d'tzung muss sich bald entscheida, d'Zeignis stehn ins Haus
Dr Lehrer will die Würfel meida, der zählt lieber aus.

Enne denne duppa denne duppa denne dalia ebbe bebbe bembio bio bio - buff

Gitarren-Solo

Später dann im rauha Läba goht's um Geschäft ond Geld
Dr Hans hot sich a Stelle gsuacht und hot sich vorgestellt.
Dr Chef hot zwoi zur Auswahl ghet, hot sich der it quält,
er lässt boide zu sich komma, d'Sekretärin zählt.

Enne denne duppa denne duppa denne dalia ebbe bebbe bembio bio bio - buff

D'Puperdät ischt längst vorbei der Hans hot sich verliebt
Der Bärbel hot er Auga gmacht, er woiß was sie ihm gibt
Doch bei der Bärbel sitzt scho oiner au mit'm Blumastrauß
S'Bärbele ka sich net entscheide deshalb zählt se aus

Enne denne duppa denne duppa denne dalia ebbe bebbe bembio bio bio - buff

Boide kommat in dr Himmel bis vor's große Tor
langsam goht a Fenschter auf, dr Petrus guckt draus vor.
Der moint so viel Platz gäbs nemme, jammra het koin Zweck
druff lupft er sein Zeigefinger und zählt – Eck Speck weg.