Song Search

Naschet su sardu (Nasce il sardo)

by Tenores Di Neoneli

on Se Io Avessi Previsto Tutto Questo... La Strada, Gli Amici, Le Canzoni (2015), Barones (2000)

Naschet su Sardu soggettu
A milli cumandamentos
Tributos e pagamentos
Chi faghet a su segnore
In bestiamen et laore
In dinari e in natura
E pagat pro sa pastura
E pagat pro laorare

Meda innantis de sos feudos
Esistiana sas biddas
Et issas fìni pobiddas
De saltos e biddattones
Comente a bois, Barones
Sa cosa anzena est passada?
Cuddu chi bos l'hat dada
Non bos la podiat dare

No est mai presumibile
Chi voluntariamente
Hapat sa povera zente
Zedidu a tale derettu
Su titulu ergo est infettu
De s'infeudassione
E i sas biddas reione
Tenene de l'impugnare

Sas tassas in su prinzipiu
Esigiazis limitadas
Dae pustis sunt istadas
Ogni die aumentende
A misura chi creschende
Sezis andados in fastu
A misura chi in su gastu
Lassezis s 'economia

Non bos balet allegare
S'antiga possessione
Cun minettas de presone
Cun gastigos e cun penas
Cun zippos e cun cadenas
Sos poveros ignorantes
Derettos esorbitantes
Hazis forzadu a pagare

A su mancu s 'impleerent
In mantenner sa giustissia
Castighende sa malissia
De sos malos de su logu
A su mancu disaogu
Sos bonos poterant tenner
Poterant andare e benner
Seguros per i sa via

Est cussu s'unicu fine
De dogni tassa e derettu
Chi seguru et chi chiettu
Sutta sa legge si vivat
De custu fine nos privat
Su barone pro avarissia
In sos gastos de giustissia
Faghet solu economia