Song Search

Vollmond

by Polo Hofer

on Schmetterding (1978), Polo Hofer SchmetterDing (1978)

Die wilde Glön sy unterwägs, sie schiene durschtig sy
Sie lärme dumm u mache Meis, schänke no einisch y
U d'Chatze ufem Blächdach raue schreg i d'Nacht
U dr Ätti roukt uf dr Gartebank, beschtuunt die Schtärnepracht.

We wieder Vollmond isch
We wieder Vollmond isch
Lueg dass bi mir bisch
We wieder Vollmond isch!

Ja, dört äne bim alte Chrüterwyb, da braue sie wieder e Saft
Eine für e Samschtig z'fyre, eine für d'Ländechraft
U d'Schtraassemeitli sy gschäftig, sie hei chalti Liebi feil
Sie schtöh uf ihrem Trottoirblätz wie ufem höche Seil.

We wieder einisch Vollmond isch
We wieder einisch Vollmond isch
Ja, de lueg dass bi mir bisch
We wieder Vollmond isch!

Ja, i warte un' i plange vor eme Glas voll Wy
Und i chume mer vor wie dr' Ma im Mond bis mir chöi zäme sy.

We wieder einisch Vollmond isch
Vollmond isch
Lueg dass bi mir bisch
We wieder Vollmond isch!

I freue mi we wieder Vollmond isch
Vollmond isch
I freue mi ou
Lueg das bi mir bisch