Song Search

Fremde Amene Fremde Ort

by Polo Hofer

on Schmetterding (1978), Polo Hofer SchmetterDing (1978)

Woni chly bi ga wandere, schteit am Wägrand ganz elei
Das Chrüz mit däm Ma, wo sie dragnaglet hei
Die Möite vo Pharisäer, bsoffe vo luter Hass
U all di brave Bürger dusse uf dr Gass.

U är wo het glitte ohni Hilf u ohni Wort
Isch är nid e Fremde gsy, amene fremde Ort?

Du chasch säge, i wott's nid gseh, wül's mi nüt ageit
Aber es git mänge under üs wo nach Wermi schreit
U mänge vo allne dene wo seit: Jesus isch dr Wäg!
Bout sich hindedüre es Schloss mit ysige Gartehääg.

I schtah dervor u rätsle, i finde keini Wort
I bi wiene Fremde amene fremde Ort.

(Instrumental Break)

Säg, bisch Du scho gschtande, elei u ohni Wort?
De weisch wie's isch als Fremde amene fremde Ort.

Säg, bisch Du scho gschtande, elei u ohni Wort?
De weisch wie's isch als Fremde amene fremde Ort.