Song Search

Siente Mo' Che T'Aggia Di'

by Musicanova

on Musicanova (1978)

Zi zi zi, siente mò che t'aggia dì,
ah l'ammore chesto fa.
Che bella guagliona
aggio visto alla fenesta
cu 'a faccia nera nera
comm'a la Madonna
vienamenne 'nzuonno
e portame l'addore d'o cchiù bello sciore.(1)
Quanno l'aggio visto
chello che è succieso
ca m'ero appicciato
comm'a na fascina
'nnanze alli stelle de la curona
de li capilli niri e ricciulilli.
Ah, l'ammore pe bannera (2)
s'è fatto 'a capa nera.
L'ultima vota
che ce aggio turnato
sunava la zampogna
'a festa 'mmiezo 'a via
tutta la gente guardava a ricciulella
guardava a nenna mia
'mmocca pe vulio (3)
Sete nuttate
dint'a lu lietto
senza durmire
nu prèvete è venuto e m'ha ditto
figlio mio, va a fa nu vuto
e te passa 'a malatia.
Ah, so juto currenno a casa d'a Madonna.
Uno, doje e tre
so juto a tutte pizze (4)
so juto pe mare aggio pigliato nu marvizzo (5)
'o pesce era d'argiento
e s'ha purtato 'o viento
'ncoppa 'a nu vapore
che parte a la bonora.
Zi, zi, zi, siente chello che aggia dì
Ah, l'ammore chesto fa.

(1) portami il profumo del più bel fiore
(2) bannera = bandiera
(3) vulìo = desiderio
(4) pizze = angoli di strada
(5) marvizzo = tipo di pesce