Song Search

Omy Mesafra | أمي مسافرة

by MTM

on امي مسافره (2003), OMY MESAFRA (2003)

[المقطع الأول : تاكي]
النهاردة يوم الأجازة، أمي مسافرة رايحة جنازة
وصلتها لحد الباب، خبطتني فكرة أستاذة
عندي عدة وعندي سى ديز، والنهاردة يوم الخميس
يعني كله في اللذيذ، ما فاضلش إلا التنفيذ
كلمت كل أصحابي على طول، ماكانش فيهم حد مشغول
كله كان بيرد يقول يا قشطة، يا بيس يا إما كوول
كدة مافاضلش إلا حاجة بس، أفضي البيت من كل العفش
أصل فيه ناس تبقى غاوية كسر، ومش طالبة تقلب بقفش
حطيت في كل حتة سماعة، و حطيت سي ديهاتي في بتاعة
كله جاهز للإذاعة، ولسة بدري فاضل ساعة
قعدت أفكر سألت نفسي، أنا لسه هافضل مستني
رحت جبت الميكروفون وصلته وقعدت أغني

[اللازمة]
أمي مسافرة وهاعمل حفلة، بس ياريت ماتجيش على غفلة
أمي مسافرة وأنا هاعمل حفلة
ولا جيرانا تبلغ عنا ولا الكهربا تعمل قفلة
ولا جيرانا تبلغ عنا
أمي مسافرة وهاعمل حفلة، بس ياريت ماتجيش على غفلة
أمي مسافرة وأنا هاعمل حفلة
ولا جيرانا تبلغ عنا ولا الكهربا تعمل قفلة
ولا جيرانا تبلغ عنا

[المقطع الثاني : محمود]
وصلت لتاكي الساعة تمانية، لابس تي شيرت فريق ألمانيا
بصيت لقيت بيته بقى حاجة تانية، والحفلة إتملت في ثانية
مزيكا جامدة و كلها دانس، راب، هاوس، راي وترانس
وكل دقيقة تزيد الناس، وأنا واقف على الباب محتاس
وفيه ناس برة عاملين سياح، جايين ومعاهم سلاح
خلوني بقيت مش مرتاح، رحت قافل بالمفتاح
"وكتبت ورقة على الباب تقول "ممنوع دخول أي مسطول
لو الكلام ده مش معقول، معلش أنا المسؤول
قلت أشوف بقى نفسي شوية، قعدت أرقص وأصحابي حواليا
"فجأة رمولي مايك فى إيديا، وقالولي "غني الأغنية

[اللازمة]
أمي مسافرة وهاعمل حفلة، بس ياريت ماتجيش على غفلة
أمي مسافرة وأنا هاعمل حفلة
ولا جيرانا تبلغ عنا ولا الكهربا تعمل قفلة
ولا جيرانا تبلغ عنا

[المقطع الثالث : مايكي]
الحفلة دي أنا مستنيها، خدت العربية وجيت بيها
من كتر الزحمة حواليها، مالقيتش حتة أركن فيها
رحت راميها على الرصيف، والمنظر كان برة ظريف
ولاد كتير شكلها نضيف، بنات لذيذة، دمها خفيف
وجوة ده كان عالم تاني، السما بتمطر أغاني
و أنا واقف برقص في مكاني، شفت شلة بنات عاجباني
كان فيهم واحدة أعرفها، بس ماكنتش بأستظرفها
قلت معلش أظبطها، علشان أرقص مع أصحابها
والصبح طلع علينا، والناس مشيت من حوالينا
قعدنا رتبنا ورصينا، بعدين طبلنا وغنينا

[اللازمة]
أمي مسافرة وهاعمل حفلة، بس ياريت ماتجيش على غفلة
أمي مسافرة وأنا هاعمل حفلة
ولا جيرانا تبلغ عنا ولا الكهربا تعمل قفلة
ولا جيرانا تبلغ عنا

[اللازمة]
أمي مسافرة وهاعمل حفلة، بس ياريت ماتجيش على غفلة
أمي مسافرة وأنا هاعمل حفلة
ولا جيرانا تبلغ عنا ولا الكهربا تعمل قفلة
ولا جيرانا تبلغ عنا
أمي مسافرة وهاعمل حفلة، بس ياريت ماتجيش على غفلة
أمي مسافرة وأنا هاعمل حفلة
ولا جيرانا تبلغ عنا ولا الكهربا تعمل قفلة
ولا جيرانا تبلغ عنا
أمي مسافرة وهاعمل حفلة، بس ياريت ماتجيش على غفلة
ولا جيرانا تبلغ عنا ولا الكهربا تعمل قفلة
أمي مسافرة وهاعمل حفلة، بس ياريت ماتجيش على غفلة