Song Search

Min Jehann

by Fiedel Michel

on Live (1977)

Ik wull, wi weern noch kleen, Jehann
Do weer de Welt so grot!
Wi seiten op den Steen, Jehann
Weest noch? Bi Noawers Sot
An Himmel seil de stille Moan
Wi seigen, wo he leep
Un snacken, wo de Himmel hoch
Un wo de Sot wul deep

Weest noch, wo still dat weer, Jehann?
Doar röahr keen Blatt an Bom
So is dat nu nich mehr, Jehann
As höchstens noch in Drom
Och ne, wenn do de Scheper sung
Alleein, int wide Feld:
Ni woahr, Jehann, dat weer en Ton!
De eeinzige op de Welt

Mitünner inne Schummerntid
Dann ward mi so to Mod
Dann löppt mi't langs den Rügg so hitt
As domols bi den Sot
Dann dreih ik mi so hasti üm
As weer ik nich alleen:
Doch allens, wat ik finn, Jehann
Dat is - ik sto und ween