Song Search

Cusi Sò

by Canta U Populu Corsu

Cusi sò, cusi sò

Di marine è muntagne cusi hè u mio cantu
Di paisoli arditi à resiste in cullana
Di passi tramandati è di fede tamanta
À circà l'orizonte quandu u tempu hè stranu

Cusi sò, cusi sò

Di mille voce antiche è di prighere degne
Di castagni d'alivi eppo' di larici altieri
Di donne è d'omi arritti à sparte un impegnu
È di sarre turchine quandu vene a sera

Cusi sò, cusi sò

Di stantare pisate in tempiu di bughjura
Di castelli di torre è di cità regine
À di e brame nostre à i ghjorni paura
Quandu s'alza u ghjornu da sopr'à e marine

Cusi sò, cusi sò

Di ghjente oneste è degne à difende i soi
D'una bandera antica chì nimu ùn po nigà
Per ramintacci quelli chì fecenu a prova
Chi sta tarra hè nostra è ùn hè da cumprà

Cusi sò, cusi sò

Di reginelle altiere è di ciucci oghji immensi
À talluzà l'avvene ch'ellu cì tocca à fà
Di passi in cumunu à l'eterne sperenze
D'una vita chì fù è chì ci hà da vultà

Cusi sò, cusi sò
Cusi sò, cusi sò
Cusi sò, cusi sò
Cusi sò, cusi sò