
Avà Chi Si Sintinella
by Canta U Populu Corsu
on Sparte (2009)
N'aghju mille sogni d'oru
È centu canti ribelli
È ssi ricordi d'amore
Sopr'à e stagione belle
Una canzona di vita
Ci purtava core in manu
Per supranà ogni lita
È sperà in un dumane
È chjamu a Regina altiera
Per salutatti o fratellu
È ti mandu una prighera
Avà chi si sintinella
N'aghju mille d'issa'abbracci
Chi di core eranu fatti
Sempre pronti à fà faccia
Mez'à vittorie è disfatte
È sse canzone viaghji
Scritte da manu nucente
Da le muntagne à e piaghje
Si sò stampate in la mente
È chjamu a Regina altiera
Per salutatti o fratellu
È ti mandu una prighera
Avà chi si sintinella
N'aghju mille d'isse feste
D'allegria pupulare
Eppò tù caru in testa
Per metteci cori à paru
A to voce hè un fanale
Chì mai si spignerà
Perchè hè u nidicale
Di u cantu umanità
È chjamu a Regina altiera
Per salutatti o fratellu
È ti mandu una prighera
Avà chi si sintinella
Song Comments
Must have JavaScript enabled to comment.On Avà Chi Si Sintinella by Canta U Populu Corsu