Song Search

Vergogna À Tè 73

by Canta Settantatrè

U fiume di a storia corre
E  nunda ùn'hè cambiatu
Tutti  quì si vende à pezzi
Quand'ellu n'hè arrubatu

Vergogna a tè chì vendi a terra (x2)

A  mafia tene ogni locu
Cù  e so mani sanguinose
Corciu a chì rompe silenzu
Palisendu  e strade umbrose

Vergogna a tè chì vendi a terra (x2)

Ognunu campa per sè
E u cumunu s'hè scioltu
Mentre  chì speculatori
Sbarcanu per ogni portu

Vergogna a tè chì vendi a terra (x2)

E cae in li paesi
Un'per una so per vende
U mal'esse hè generale
È u suspettu si stende

Vergogna a tè chì vendi a terra (x2)

L'acqua puru ùn n'hè più nostra
Corre in le borse strangere
Alisinganu ad'ognunu
Cù le so false chimere

Vergogna a tè chì vendi a terra (x2)

E u statu ghjoca à china
Cù i Corsi speculatori
Chì di a terra anu u nome
M`so tanti malfattori

Vergogna a tè chì vendi a terra (x2)

Vergogna
Vergogna
Vergogna