Song Search

Franz

by Josef Hader

on Hader spielt Hader (2009)

Da Fraunz hod a Zimma-Küche Wohnung
Da Fraunz hod an oide Mutta
Da Fraunz bestöd im Wiazhaus zwa moi noch
Und maunchmoi isst a ohne Brod a Butta

Da Fraunz hod imma an z'engen Pullover au
Da Fraunz hod noch zwa Gulasch nu ned gmua
Und da Fraunz hot so große, schwoaze Kindaaugn
Und die Waungan wochsn's laungsaum zua

Da Fraunz frogt an jedn wia's eam geht
Da Fraunz frogt an jedn wos a mocht
Und da Fraunz glaubt a jedes moi ea is gmand
Waun iagandwea hinta eam locht

Da Fraunz frogt an jedn: "Servus, wia stengan die Aktien?"
Da Fraunz sogt zu am jedn "Mia zwa khean zaum!"
Und waun da Fraunz a bissl zvü dawischt
Mecht a jedm gean die Zähnd eihaun

Da Fraunz duad gean redn üwas Wetta
Da Fraunz duad gean um an 20a wettn
Da Fraunz schlofd iagandwaun ei am Tisch
Und waun Speastund is, daun doans eam weckn

Da Fraunz is imma frisch rasiat
Da Fraunz mocht söm Witz üwa sei Gwicht
Und maunchmoi faungt a leicht zan zidan au
Und kriagt rode Fleckn im Gsicht

Da Fraunz geht entweda ziemlich boid
Oda bleibt sitzn bis in da Frua
Im Fraunz is bei jeda Zugluft koid
Da Fraunz mocht oiwei 's Fensta zua

Und waun wea an Witz mocht und sogt:
"He Fraunz, a Zugluft bei deina Fettn - geh hea auf!"
Daun locht a so und sogt: "Nana, mia is nu koid -
A bissl Fettn, khead schau nu drauf!"

Da Fraunz hod iasinnig grosse Hend
Da Fraunz hod iasinnig wache Finga
Da Fraunz schaut wia Aufaung 50 aus
Und in Wiaklichkeit is a vü jinga.

Und waun a wem di Haund gibt daun steht a auf
Und woglt hin und hea wia a klana Bua
Und da Fraunz hod so grosse schwoaze Kindaaugn
Und die Waungan wochsn's laungsaum zua